मुंबई : शिवसेनेला संपवण्याचा भाजपाचा डाव आहे. असा खळबळजनक आरोप शिवसेनेचे सिल्लोडचे आमदार अब्दुल सत्तार यांनी आरोप केला आहे. विधानसभेचा निकाल लागून नऊ दिवस उलटले, तरी सुध्दा युतीमध्ये सत्तासंघर्ष सुरुच आहे. शिवसेना आमदाराच्या आरोपामुळे युतीमध्ये वाद चिघळण्याची शक्यता आहे.
आमदार अब्दुल सत्तार म्हणाले की, शिवसेनेला समाजसेवा हवी आहे. शिवसेनेत समाजसेवा जास्त आणि राजकारणाला कमी महत्त्व आहे. परंतु भाजपाला सत्ता हवी आहे. भाजपाकडून दबाव टाकण्याचा प्रयत्न करण्यात येत आहे. सत्तावाटपा संदर्भात चर्चा न होण्याची अनेक कारणं आहेत. भाजपाचा शिवसेनेला संपवण्याचा डाव आहे,” असं सत्तार यावेळी म्हणाले. एका मराठी वृत्तवाहिनीशी बोलताना हा आरोप केला.
केंद्रीय गृहमंत्री आणि भाजपाचे राष्ट्रीय अध्यक्ष अमित शाह यांनी युतीदरम्यान जे काही सांगितलं तसं ते वागले नाहीत. म्हणून आज अशी परिस्थिती उद्भवत आहे. मोठ्या भावाला छोटं करण्याचं षड्यंत्र रचलं जात असून शिवसेना पक्षप्रमुख उद्धव ठाकरे यांनी ते ओळखलं आहे,” असं सत्तार म्हणाले. भाजपाला राज्यातील शेतकऱ्यांची स्थिती दिसत नाही. त्यांना केवळ खुर्चीची चिंता आहे. युतीमध्ये केवळ आपलं मत मांडून चालत नाही. असेही आमदार अब्दुल सत्तार म्हणाले.
मुंबई : मुंबईमध्ये खड्डे नसल्याचा दावा महापालिकेकडून वारंवार केला जातो. त्यातच बीएमसीने रस्त्यावर ‘खड्डे दाखवा आणि पैसे कमवा’ अशी योजना सुरु करण्याचा निर्णय घेतला आहे. या योजनेची अंमलबजावणी आज 1 नोव्हेंबर पासून केली जाणार आहे. मात्र खड्ड्याच्या आकारमानाबाबत अटी-शर्थी लागू करुनच ही योजना प्रत्यक्षात उतरणार आहे.
नवी दिल्ली : देशातील बँकाच्या काही नियमांमध्ये आज 1 नोव्हेंबरपासून बदल करण्यात आले आहे. महाराष्ट्र बँकेच्या वेळापत्रापासून ते भारतीय स्टेट बँकेच्या ठेवींवरील व्याजाच्या दरापर्यंत अनेक नियम बदलण्यात आले आहेत. ग्राहक आणि व्यापाऱ्यांकडून आकारण्यात येणारा व्यापारी सवलत दर आकारला जाणार नाही.
मुंबई : ‘व्हॉट्सअॅप’ या मेसेजिंग अॅपच्या माध्यमातून देशातील पत्रकार, सामाजिक कार्यकर्ते, लोकप्रतिनिधी तसेच सर्वसामान्य नागरिकांच्या व्यक्तिगत जीवनात सुरू असलेली हेरगिरी निषेधार्ह, संतापजनक आहे. ही हेरगिरी बंद करा अशी मागणी राष्ट्रवादी काँग्रेसचे आमदार धनंजय मुंडे यांनी राज्यपालांकडे केली आहे.
मुंबई : शिवसेना-भाजपात रस्सीखेच सुरु असल्यामुळे शिवसेना भाजपाची साथ सोडण्याच्या तयारी आहेत. शिवसेना काँग्रेस महाआघाडीचा ‘हात’ धरूण सत्ता स्थापन करण्याच्या हालचाली सुरु असल्याची राजकीय वर्तुळात चर्चा सुरु आहे.
मुंबई : महाराष्ट्राच्या जनतेला शिवसेनेचाच मुख्यमंत्री हवा. शिवसेनेचाच मुख्यमंत्री होणार असा दावा शिवसेनेचे नेते खासदार संजय राऊत यांनी शुक्रवारी पत्रकार परिषदेत केला.
मुंबई : महाराष्ट्रात परतीच्या पावसामुळे पिकांच नुकसानं झालं आहे. त्यामुळे शेतकरी संकटात आला आहे. शेतक-यांना नुकसान भरपाई द्यावी. ओला दुष्काळ जाहीर करावा अशी मागणी शिवसेनेच्या शिष्टमंडळाने राज्यपाल भगतसिंह कोश्यारी यांच्याकडे गुरुवारी संध्याकाळी केली.