मुंबई : शिवतीर्थावर शिवसेनेचाचं मुख्यमंत्री शपथ घेईल. आमच्याकडे 175 आमदारांचा पाठिंबा आहे. महाराष्ट्रात ऑपरेशन लोटस चालणार नाही असा दावा शिवसेना नेते खासदार संजय राऊत यांनी रविवारी पत्रकार परिषदेत केला.

राऊत यांनी आज भाजपावर निशाना साधला. महाराष्ट्रात जनता खोटारड्यांना धडा शिकवेलं. महाराष्ट्र मनानं आणि विचारानं मुक्त झालायं. सत्ता गेली तर आसपासचे माकडंही उड्या मारत नाही. भाजपकडून सत्तेचा गैरवापर करण्यात आला. याचे पुरावे लवकरचं जाहीर करु. राष्ट्रवादी काँग्रेसचे अध्यक्ष हे देशाचे नेते आहेत. ते पंतप्रधानपदाचे उमेदवार आहे. असंही राऊत म्हणाले.

मुख्यंमंत्र्यांनी पलटली मारली असा आरोप राऊत यांनी केला. भाजपने रेसकोर्स बुक केल्याची कागदपत्रं आमच्याकडे आहेत. भाजपा सर्वात मोठा पक्ष आहे. त्यांच्याकडे बहुमत आहे तर त्यांनी सरकार स्थापन करावं असा टोलाही राऊत यांनी लगावला. भाजपा अध्यक्ष अमित शाह यांनी पुढाकार का घेतला नाही. अमित शाह आणि शिवसेनेची मधुर संबंध असल्याचेही राऊत यांनी सांगितले.

शिवसेना दुहेरी भूमिका घेत नाही. शिवसेना कुणासमोरही झुकणार नाही. शरद पवार देशाचे मोठे नेते आहेत. हवं तेव्हा त्यांच मार्गदर्शन घेऊ. शिवतीर्थावर शिवसेनेचाचं मुख्यमंत्री शपथ घेईल असं दावा राऊत यांनी केला.

मुंबई : दादर-माहिम परिसरात मनसेने दिवाळी निमित्त शुभेच्छा देणारे कंदिल लावलेले होते. या प्रकरणावरून मनसे सरचिटणीस संदीप देशपांडे मनपा अधिका-यांमध्ये वाद झाला होता. या प्रकरणी देशपांडे यांच्यावर गुन्हा दाखल करुन अटक करण्यात आली होती. महानगर न्यायदंडाधिकारी पी एस काळे यांनी देशपांडे यांना 14 तारखेपर्यंत न्यायालयीन कोठडीत ठेवण्याचे आदेश दिले.

देशपांडे यांच्यावर भारतीय दंड संहिता कलम 353 नुसार शिवाजी पार्क पोलिस ठाण्यात गुन्हा दाखल करण्यात आला आहे. महापालिका सहायक आयुक्त किरण दिघावकर यांनी देशपांडे यांच्याविरोधात सरकारी कामात अडथळा आणल्याची तक्रार दिली होती. शिवाजी पार्क पोलीस ठाण्यात गुन्हा दाखल करुन त्यांना आज अटक करण्यात आली.

दादर-माहिम परिसरातील महाराष्ट्र नवनिर्माण सेनेने दिवाळी निमित्त लावलेल्या कंदिलांवर महापालिकेने कारवाई केली होती महापालिकेने हे कंदिल काढून कचऱ्यात टाकले, त्यावरुन माजी नगरसेवक देशपांडे यांनी महापालिका सहाय्यक आयुक्त किरण दिघावकर यांच्यात वाद झाला होता. यावेळी त्यांनी महापालिकेच्या अधिकाऱ्यांना शिवीगाळही केल्याचा आरोप आहे. त्याप्रकरणी पालिका अधिकाऱ्यांनी पोलिसांत तक्रार दाखल केल्यानंतर त्यांना ताब्यात घेण्यात आलं.

कंदिल हटवल्यावरून वाद…

दादर-माहिम परिसरात मनसेने दिवाळी निमित्त शुभेच्छा देणारे कंदिल लावलेले होते. यावर मनसे अध्यक्ष राज ठाकरे यांचा फोटोही होता. मनसे दरवर्षी हे कंदिल लावतात आणि तुळशीच्या लग्नानंतर ते काढलेही जातात. मात्र, यावेळी महापालिकेने हे कंदिल अनधिकृत असल्याचं सांगत कारवाई केली. ते सर्व कंदिल काढले. यावेळी मनसेचे कंदिल हटवण्याची कारवाई करताना महापालिकेला शिवसेनेने विभागात लावलेले कंदिल आणि झेंडे दिसले नाहीत का, असा खडा सवाल संदीप देशपांडे यांनी केला. तसेच, मनसेला टार्गेट केल्या जात असल्याचंही ते म्हणाले. हे पक्षीय राजकारण आम्ही सहन करणार नाही, असा मनसे स्टाईल इशाराही त्यांनी दिला होता.

मुंबई : भाजपाने शिवसेनेला फसवलं आहे असा आरोप माजी मुख्यमंत्री आमदार अशोक चव्हाण यांनी केला आहे. तसंच आमची सध्याची भूमिका ही वेट अँड वॉचची आहे, असंही चव्हाण यांनी म्हटलं आहे. त्यामुळे काँग्रेस शिवसेना पाठिंबा देण्याची शक्यता वर्तवली जात आहे.

भाजपा आणि शिवसेनेचं सत्तास्थापनेचं काही ठरत नसल्याने काँग्रेसचे नेते सोनिया गांधी यांच्या भेटीसाठी दिल्लीत गेले आहेत. भाजपाला सत्तेपासून दूर ठेवण्यासाठी शिवसेनेला काँग्रेसने पाठिंबा द्यावा अशी भूमिका काँग्रेसने घेतली आहे. त्याबाबत चर्चेसाठीच अशोक चव्हाण, बाळासाहेब थोरात, पृथ्वीराज चव्हाण यांच्यासह काँग्रेस नेत्यांचं शिष्टमंडळ सोनिया गांधींना भेटण्यासाठी गेले आहेत. दरम्यान भाजपाने शिवसेनेला फसवलं आहे असा आरोप अशोक चव्हाण यांनी केला आहे. तसंच आमची सध्याची भूमिका ही वेट अँड वॉचची आहे असंही त्यांनी म्हटलं आहे. यामुळे काँग्रेसच्या भूमिकेकडे सर्वांचे लक्ष लागले आहे.

मुंबई : आज अचानक पावसाने पुन्हा मुंबईत हजेरी लावली. दादर, परळपासून पुढे कुलाब्यापर्यंत अचानक आभाळ भरून आलं आणि पावसाला सुरुवात झाली. दक्षिण मुंबई व पश्चिम उपगरांमध्ये नागरिकांना शुक्रवारी पावसानं झो़डपलं.

पावसाची शक्यता स्कायमेटनं वर्तवली होती. सीएसटी, चर्चगेट, मरीन लाइन्स, जुहू परिसरात पावसाने हजेरी लावली. यंदा परतीचा पाऊस विलंबाने गेला. मात्र त्यानंतरही पाऊस राज्यात विविध ठिकाणी अधूनमधून हजेरी लावतच आहे. राज्यात नाशिक, औरंगाबाद, नागपूर, कोकणात अवकाळी पावसामुळे पिकांचे नुकसान झाले आहे. यावर्षी ऐन दिवाळीतही पावसाने थांबायचे नाव घेतले नाही. तत्पूर्वी काही दिवस म्हणजे २१ ऑक्टोबरला पावसाने रात्री अचानक जोरदार बरसून मुंबईकरांची दाणादाण उडवली होती. त्यानंतर दिवाळीदरम्यान अरबी समुद्रातील ‘क्यार’ चक्रीवादळाने थैमान घातले आणि या वादळाच्या पार्श्वभूमीवरही मुंबईत पावसाने हजेरी लावली होती.

दक्षिणेकडून उत्तरेकडे हे वादळ सरकत असून परिणामी येत्या 24 तासांमध्ये मुंबईसह लगतच्या परीसरामध्ये पाऊस बरसण्याची शक्यता वर्तवण्यात आली आहे. मुंबई, ठाणे, नाशिक, डहाणू या भागामध्ये हलक्या सरींचा अंदाज व्यक्त करण्यात आला आहे. ऐन दिवाळीतही पावसानं पाठ सोडली नसल्यामुळे नागरिकांमध्ये निरुत्साहाचे वातावरण असून पावसापासून अजूनही सुटका झाली नसल्याचे दिसत आहे. शुक्रवारी दुपारच्या सुमारास दक्षिण मुंबईमध्ये नागरिकांना पावसानं अवचित गाठलं. तर बांद्र्यामध्ये जोरदार पावसाची सर कोसळल्यानं नागरिकांची तारांबळ उडाली.

‘महा’ हे वादळ 40 ते 60 किलोमीटरच्या गतीनं उत्तरेकडे सरकत असून महाराष्ट्राच्या किनाऱ्यावर आठ ते 12 फूट उंचीच्या लाटांची शक्यता आहे. गोवा कर्नाटक लगत समुद्रामध्ये ‘महा’ वादळामुळे पावसाचे वातावरण असून कोकणामध्ये मुसळधार त्यामुळे समुद्रतीरावरील नागरिकांनी सावध रहावं अशी सूचना स्कायमेटनं दिली आहे.

मुंबई : सत्तावाटपाच्या गोंधळात शिवसेनेला भाजपनं अखेर निर्वाणीचा इशारा दिला. येत्या ७ नोव्हेंबरपर्यंत सरकार स्थापन न झाल्यास राज्यात राष्ट्रपती राजवट लागू होईल, असा इशारा भाजप नेते सुधीर मुनगंटीवार यांनी एका वृत्तवाहिनीशी बोलताना शिवसेनेला दिला आहे.

शिवसेना अडीच वर्षे मुख्यमंत्रिपदाच्या मागणीसाठी आक्रमक आहे. तर, भाजपनं मुख्यमंत्रीच काय, महत्त्वाची खातीही देण्यास नकार दिल्यानं गाडं अडलं आहे. दोन्ही पक्षांच्या नेत्यांमध्ये केवळ कलगीतुरा रंगला आहे. भाजप वर्चस्ववादाचं राजकारण करत असल्यानं शिवसेना देखील आक्रमक झाली आहे. कोणीही मुख्यमंत्रिपदाचा अमरपट्टा घेऊन आलेलं नाही, असं वक्तव्य शिवसेनेचे पक्षप्रमुख उद्धव ठाकरे यांनी केल्यानं हा पेच अधिकच वाढला आहे.

भाजपच्या केंद्रीय नेतृत्वानं महाराष्ट्राच्या वाटाघाटीतून अंग काढून घेतलं असून राज्यातील नेत्यांनाच पेच सोडवण्याचा आदेश दिला आहे. मात्र, शिवसेना ऐकत नसल्यानं भाजपनं राष्ट्रपती राजवटीचं अखेरचं अस्त्र बाहेर काढलं आहे. भाजप नेते सुधीर मुनगंटीवार यांनी एका वृत्तवाहिनीशी बोलताना राष्ट्रपती राजवट लागू करावी लागेल, असं म्हटलं आहे. यामुळे आणखीनच पेच निर्माण होण्याची शक्यता आहे.