मुंबई : युतीमध्ये सत्तासंघर्ष सुरु असताना शिवसेना खासदार संजय राऊत यांनी राष्ट्रवादी काँग्रेसचे अध्यक्ष शरद पवार यांची भेट घेतली. सिल्व्हर ओक या शरद पवार यांच्या निवासस्थानी ही भेट झाली. दोघांमध्ये सत्तासंघर्षावर गुफ्तगू झाली.
संजय राऊत यांनी शिवसेनेकडे अनेक पर्याय असल्याचं म्हटलं होतं. त्याशिवाय काँग्रेस आणि राष्ट्रवादी काँग्रेस नेते शिवसेनेला सत्तास्थापनेसाठी मदत करण्यास सकारात्मक असल्याची चर्चा आहे. अशा सर्व राजकीय घडामोडींच्या पार्श्वभूमीवर संजय राऊत शरद पवारांना भेटल्याने राजकीय वर्तुळात चांगलीच चर्चा रंगली आहे.
दिवाळी निमित्त शुभेच्छा देण्यासाठी ही भेट घेतल्याचं संजय राऊत यांनी म्हटलं आहे. तसंच या भेटीत कोणतीही राजकीय चर्चा झाली नसल्याचंही राऊत यांनी स्पष्ट केलं. मात्र, या दोन्ही नेत्यांमध्ये सत्तास्थासंघर्षावरून शिवसेनेला पाठिंबा देण्यासाठी राऊत यांनी शरद पवारांची भेट घेतल्याची चर्चा राजकीय वर्तुळात सुरु आहे.