मुंबई: हटके ट्विटमुळे सोशल मीडिया गाजवणारा टीम इंडियाचा माजी स्फोटक फलंदाज वीरेंद्र सेहवागने, न्यूझीलंडच्या विजयानंतरही तसंच हटके ट्विट केलं. न्यूझीलंडच्या विजयात मोलाचा वाटा उचलणारा फलंदाज रॉस टेलरला उद्देशून हे ट्विट होतं. सेहवागने रॉस टेलरचा भारतीय भाषेत ‘दर्जी’ असा उल्लेख केला.
सेहवागच्या ट्विटला रॉस टेलरनेही तसंच उत्तर दिलं, तेही हिंदीत.
आधी सेहवाग म्हणाला, “वेल प्लेड दर्जीजी, दिवाळीतील (कपडे शिवण्याच्या) ऑर्डरच्या दबावानंतरही चांगली कामगिरी केली”.
सेहवागच्या या ट्विटला रॉस टेलरने हिंदीत उत्तर दिलं.
“भाई, अगली बार अपना ऑर्डर टाईम पे भेज देना, सो मै आपको अगली दिवाली के पहले डिलिव्हर करुंगा.. हॅप्पी दिवाली”, असं टेलर म्हणाला.
Well played @RossLTaylor Darji ji . Great effort after handling the pressure of Diwali orders .#indvsnz
— Virender Sehwag (@virendersehwag) October 22, 2017
Thanks @virendersehwag bhai agli Baar Apna order time pe Bhej dena so Mai Apko agli Diwali ke pehle deliver kardunga ….happy Diwali
— Ross Taylor (@RossLTaylor) October 23, 2017
या ट्विटनंतर गप्प बसेल तो सेहवाग कुठला. सेहवाने टेलरच्या या ट्विटलाही उत्तर दिलं. यावेळी सेहवागने फाईव्ह स्टारच्या जाहिरातीतील डायलॉग मारुन टेलरला उत्तर दिलं.
सेहवाग म्हणाला, “हाहाहा, मास्तरजी, इस साल वाली पतलून एक बिलांग छोटी करके देना नेक्स्ट दिवाली पे. रॉस द बॉस, मोस्ट स्पोर्टिंग”.
यावर टेलरने उपरोधी टोला लगावत,“तुमच्या टेलरने या दिवाळीत चांगले कपडे शिवले नाहीत का?” असं ट्विट केलं.
Hahaha Masterji , is saal waali patloon hi ek bilaang choti karke dena next diwali pe. Ross the Boss, most sporting 🙂 https://t.co/FNpAwrWCB4
— Virender Sehwag (@virendersehwag) October 23, 2017
Has your Darji not done a good job this Diwali 😜?
— Ross Taylor (@RossLTaylor) October 23, 2017
यानंतरही सेहवाग शांत बसला नाही. सेहवाग म्हणाला, “दर्जी जी, तुमच्या इतक्या उच्च दर्जाच्या शिवणकामाची स्पर्धा कोणीच करु शकत नाही. मग ते पँट असो वा पार्टनरशीप”
हेड : जर्मनीतील हेड शहरात दोन रानडुक्करांनी दोन दिवसांपूर्वी धुमाकूळ घातला. यातील एका रानडुक्कराने एका बॅंकवर केलेल्या हल्ल्यात चार लोक गंभीर जखमी झाले होते. त्या रानडुक्करास ठार मारण्यात अखेर पोलिसांना यश आले तर एक रानडुक्कर फरार झाले.
इंटरनेट आणि सोशल मीडियामुळे मुंबईकरांचे मानसिक आरोग्य बिघडले आहे. त्यामुळे देशभरात मुंबईतील नागरिकांना सर्वात जास्त मानसोपचाराची गरज भासत असून देशात मानसोपचाराची गरज असणाऱ्या शहरात मुंबई पहिल्या तर राज्यात महाराष्ट्र दुसऱ्या क्रमांकावर असल्याची धक्कादायक माहिती समोर आली आहे. केंद्र सरकारच्या एका अहवालातून ही माहिती उघड झाली आहे.
पालघर : राजधानी एक्स्प्रेसखाली आल्यामुळे सौराष्ट्र जनता एक्स्प्रेसच्या लोको पायलटचा जागीच मृत्यू झाला. लोको पायलट इंजिन तपासणीसाठी उतरला असताना हा दुर्दैवी अपघात घडला.
रिंकू राजगुरूनं सैराट या चित्रपटातील आर्ची या भूमिकेतून आपल्या रावडी अभिनयानं प्रेक्षकांच्या मनावर राज्य केलं. सैराटला मिळालेल्या अभूतपूर्व यशानंतर अवघ्या महाराष्ट्राला प्रतीक्षा आहे, तिच्या पुढच्या चित्रपटाची. आता दिवाळीच्या मुहूर्तावर रिंकूच्या चाहत्यांसाठी खुशखबर आहे. रिंकू राजगुरू लवकरच एका मराठी चित्रपटातून पुन्हा एकदा प्रेक्षकांच्या भेटीला येणार आहे. रिंगण या राष्ट्रीय पुरस्कार विजेत्या चित्रपटाचा दिग्दर्शक मकरंद माने याच्या नव्या चित्रपटात रिंकू महत्त्वाच्या भूमिकेत दिसणार आहे.
पुणे : दिवाळीच्या मुहूर्तावर पुण्यात तृतीयपंथीयांनी आपल्या नव्या मठात प्रवेश केला. पुण्यातील गणेशपेठेत हा मठ उभारण्यात आला असून, तृतीयपंथीयांनी लक्ष्मीपूजनादिवशी मठात गृहप्रवेश केला. तृतीयपंथीयांच्या मठाची सवत्र चर्चा रंगली आहे.
टोकियो, जपानचे पंतप्रधान शिंजो अॅबे यांचा निवडणुकीत दणदणीत विजय झालाय. ४६५ जागांपैकी अॅबेंच्या युतीला तब्बल ३१२ जागा मिळाल्या आहेत. या निवडणुकीत अॅबेंची प्रतिष्ठा पणाला लागली होती. डिसेंबर २०१२ पासून अॅबे पंतप्रधानपदी विराजमान आहेत. अर्थव्यवस्थेला चालना देणे आणि उत्तर कोरियाला अद्दल घडवणे या दोन मुद्द्यांवर ते पुन्हा निवडून आले आहेत.