गांधीनगर (गुजरात) : सत्तेविरोधात लढणाऱ्या आंदोलकांना खरेदी करण्यासाठी भाजपकडे ५०० कोटींचं बजेट आहे, असा गंभीर आरोप गुजरातमधील युवा नेता हार्दिक पटेल याने केला आहे. हार्दिक पटेल हा गुजरातमधील पाटीदार समाजाचं नेतृत्त्व करतो.
“सत्तेविरोधात लढणाऱ्या आंदोलकांना खरेदी करण्यासाठी भाजपकडे ५०० कोटींचं बजेट आहे. मला समजत नाही की, विकास केला आहे, तर खरेदी का?”, असा आरोप करत हार्दिक पटेल याने भाजपला थेट इशारा दिला आहे की, “गुजरातमधील जनता इतकी स्वस्त नाही की, कुणी त्यांची खरेदी करावी. गुजरातमधील जनतेचा अपमान केला जात असून, जनता या अपमानाचा बदला घेईल.”
भाजपा के सामने में नहीं गुजरात की 6 करोड़ जनता लड़ रही हैं।व्यापारी,किसान,सभी समुदाय और मज़दूर भाजपा की तानाशाही से परेशान हैं।
— Hardik Patel (@HardikPatel_) October 23, 2017
सत्ता के सामने चला रहे आंदोलनकारी को ख़रीद ने किए BJP ने 500करोड़ का बजट लगाया हैं।मुझे समझ नहीं आ रहा की विकास किया है तो ख़रीददारी क्यों !
— Hardik Patel (@HardikPatel_) October 23, 2017
गुजरात की जनता इतनी भी सस्ती नहीं है की भाजपा ख़रीद लेंगी !! गुजरात की जनता का अपमान किया जा रहा हैं।गुजरात की जनता अपमान का बदला लेंगी !
— Hardik Patel (@HardikPatel_) October 23, 2017
“भाजपविरोधात केवळ मी नव्हे, गुजरातमधील 6 कोटी जनता लढत आहे. व्यापारी, शेतकरी, सर्व समाज आणि कामगार भाजपच्या हुकूमशाहीला कंटाळले आहेत.”, असेही हार्दिक पटेल म्हणाला. गुजरात विधानसभेच्या निवडणुका तोंडावर आल्या असताना हार्दिक पटेलने आपला भाजपविरोध आणखी तीव्र केला आहे. हार्दिक पटेलला पाटीदार समाजाचा मोठा पाठिंबा आहे. त्यामुळे गुजरातमध्ये भाजपचे धाबे दणाणले आहे.
