मुंबई : आमदार एकनाथ शिंदे यांची शिवसेनेच्या विधीमंडळाच्या गटनेतेपदी निवड करण्यात आली आहे. ही निवड शिवसेना भवनात आज बैठकीत झाली. यावेळी शिवसेना पक्ष प्रमुख उध्दव ठाकरे यांच्यासह सर्व आमदार उपस्थितीत होते.
आज शिवसेना भवनात शिवसेना आमदारांची बैठक झाली. यावेळी आमदार आदित्य ठाकरे यांनी एकनाथ शिंदे यांच्या नावाचा प्रस्ताव मांडला. सर्व आमदारांनी एकमातांनी निवड शिंदेंची निवड केली. शिवसेनेचे 56 आमदार असून त्यांना 7 अपक्ष आमदारांनी पाठिंबा दिला आहे. शिवसेनेचे संख्याबळ 60 वर पोहोचली आहे.
सध्या शिवसेना आणि भाजपामध्ये सत्तेच्या वाटपावरून वाद सुरु आहे. यामुळे शिवसेना आक्रमक झाली असून शिवसेनेनं सर्व पर्याय खुले आहेत असे सांगितल्यामुळे शिवसेना काय भूमिका घेणार याकडे सर्वांचे लक्ष लागले आहेत.