मुंबईः बॉलिवूडच्या ‘ड्रीम गर्ल’ हेमा मालिनी आणि धर्मेंद्र पुन्हा एकदा आजी आजोबा झाले आहेत. त्यांची थोरली मुलगी ईशा देओल-तख्तानी हिने आज (२३ ऑक्टोबर) पहाटे गोंडस मुलीला जन्म दिला. ईशाला हिंदुजा रुग्णालयात दाखल करण्यात आले असून तिचे आणि भरत तख्तानीचे हे पहिलेच बाळ आहे.
याच वर्षी एप्रिल महिन्यात ईषाने ती गरोदर असल्याची गोड बातमी सर्वांना दिली होती. तिच्या मुलीच्या जन्माने हेमा मालिनी दुसऱ्यांचा आजी झाल्या आहेत. त्यांची लहान मुलगी आहाना हिने दोन वर्षांपूर्वी तिच्या पहिल्या बाळाला जन्म दिला. आहाना आणि तिचा नवरा वैभव वोहरा यांना डॅरियन हा मुलगा आहे.
याच महिन्यात पहिल्यांदाच आपल्या गर्भवती मुलीसोबत पोज देताना दिसले होते धर्मेंद्र….
ईशाने आपल्या फॅमिली मेंबर्ससोबत प्रेग्नेंसीचा काळ एन्जॉय केला. याकाळातील बरेच फोटोज तिने सोशल मीडियावरदेखील पोस्ट केले. पण वडील धर्मेंद्र यांच्यासोबतचा पहिलाच फोटो समोर आला होता. शिवाय ईशाने तिच्या सासूबाईंसोबतचासुद्धा एक फोटो पोस्ट केला होता. या फोटोसोबत तिने लिहिले होते,
सप्टेंबर महिन्यात ईशाचे दोनदा डोहाळे जेवण झाले होते. या दोन्ही कार्यक्रमांचे फोटोज ईशाने तिच्या फॅन्ससाठी शेअरदेखील केले होते. अनेक वर्षे एकमेकांना डेट केल्यानंतर ईशाने जून २०१२ मध्ये भरत तख्तानीसोबत लग्न केले होते. लग्नानंतरही ईशाने काही चित्रपटांमध्ये काम केले. मात्र, २०१५ पासून ती रुपेरी पडद्यापासून दूर झाली.‘किल देम यंग’ या चित्रपटात ती शेवटची झळकली होती.
