पुणे : भारतीय जनता पक्षाचे प्रदेशाध्यक्ष चंद्रकांत पाटील यांच्या कोथरुडमध्ये साडी वाटप केल्याच्या निषेधार्थ पुण्यात राष्ट्रवादीकडून प्रतिकात्मक चंपा साडी सेंटरचं उद्घाटन करण्यात आले. ‘चंपा साडी हाय हाय’, ‘आम्हाला हवी विकासाची गाडी, नको आम्हाला चंपा साडी’ अशा घोषणा देण्यात आलं.
डेक्कन येथील खंडोजी बाबा चौकात राष्ट्रवादी काँग्रेस पक्षाचे शहर अध्यक्ष आणि आमदार चेतन तुपे यांच्या नेतृत्वाखाली आंदोलन करण्यात आलं. भाजपाच्या साडी वाटपाला विरोध दर्शवला. कोथरूड विधानसभा मतदार संघाचे आमदार चंद्रकांत पाटील यांनी भाऊ बीज सणाच्या निमित्ताने एक लाख महिलांना साडी वाटप केलं. त्यावेळी पाटील यांच्या या उपक्रमाचा काँग्रेस, राष्ट्रवादी आणि मनसेकडून निषेध नोंदविण्यात आला होता. या आंदोलनाची सर्वत्र चर्चा सुरु झाली आहे.
