मुंबई- शिवसेना पक्षप्रमुख उद्धव ठाकरे हे आज सायंकाळी ५ वाजता मुख्यमंत्री देवेंद्र फडणवीस यांची विधानभवनात भेट घेणार आहेत. शिवसेना आमदारांनी पक्षप्रमुख उद्धव ठाकरे यांच्याकडे विकासकामांसाठी निधी उपलब्ध होत नसल्याची तक्रारी केल्या आहेत. त्यामुळे आमदारांच्या प्रलंबित मागण्या व त्यांची कामे होण्यासाठी उद्धव ठाकरे फडणवीस यांच्याशी चर्चा करतील. व निधी पदरात पाडून घेतील अशी शक्यता वर्तविण्यात येत आहे.
अर्थसंकल्पीय अधिवेशनाचा आज शेवटचा दिवस आहे. त्यामुळे सर्व आमदार मुंबईत आहेत. अधिवेशनाच्या काळात शिवसेनेच्या आमदारांनी पक्षप्रमुखांकडे आपापल्या तालुक्यातील व भागातील विविध प्रलंबित प्रश्नांची जंत्री दिली होती. त्यामुळे आमदार आपापल्या गावाकडे जाण्याआधी उद्धव ठाकरे मुख्यमंत्र्यांशी चर्चा करणार आहेत. यावेळी शिवसेनेचे आमदार विधीमंडळ परिसरात उपस्थित असतील.