मुंबई : माझ्या स्वागतासाठी भारतामध्ये १ कोटी लोक उपस्थित राहतील,’ असा दावा अमेरिकेचे राष्ट्राध्यक्ष डोनाल्ड ट्रम्प यांनी केला. त्यांच्या या दाव्यानंतर चित्रपट दिग्दर्शक राम गोपाल वर्मा यांनी उपरोधिकपणे उत्तर दिलं आहे. ट्रम्प यांच्या स्वागतासाठी देशातील १ कोटी लोक येऊ शकतात. त्यांच्या बाजूला सनी लिओनीसह अमिताभ बच्चन, सलमान खान, आमिर खान, शाहरुख खान, कतरिना कैफ, दीपिका पदुकोण यांना उभं करा”, असं ट्विट राम गोपाल वर्मा यांनी केलं.
The only way @realDonaldTrump ‘s claim there will be 10 million people to welcome him in india can come true is, if they manage to line up Amitabh Bachchan, Salman Khan , Amir Khan, Sharuk Khan , Rajnikant, Katrina Kaif, Deepika Padukone and SUNNY LEONE to stand next to TRUMP
— Ram Gopal Varma (@RGVzoomin) February 22, 2020
ट्रम्प यांच्या भारत दौऱ्याला उद्यापासून सुरुवात होत आहे. डोनाल्ड ट्रम्प आणि त्यांच्या पत्नी मेलेनिया हे २४ आणि २५ फेब्रुवारी रोजी अहमदाबाद, आग्रा आणि नवी दिल्लीला भेट देणार आहेत. डोनाल्ड ट्रम्प यांच्या सन्मानार्थ ‘नमस्ते ट्रम्प’ कार्यक्रम अहमदाबादमधील मोटेरा स्टेडियमवर आयोजित करण्यात आला आहे.
ट्रम्प यांच्या दौ-यावर १०० कोटीपेक्षा जास्त खर्च होत आहेत. त्यामुळे या दौ-याची मोठी चर्चा होत आहे. विशेष म्हणजे या खर्चाबाबत काँग्रेसह विरोधी पक्षांनी प्रश्न उपस्थित केले आहेत. तर दुसरीकडे अहमदाबादमध्ये झोपडपट्टी लपवण्यासाठी भिंत उभारण्यात आली आहे. त्यामुळे ट्रम्प यांचा दौरा या भिंतीमुळे मोठ्या प्रमाणात गाजत आहे.
