Tuesday, May 28, 2024
Homeमनोरंजन२०१९ची ‘ईद’ही ‘सलमान’ च्या नावावर बुक!

२०१९ची ‘ईद’ही ‘सलमान’ च्या नावावर बुक!

तुम्ही ‘भाईजान’सलमान खानचे चाहते असाल तर ही बातमी तुमच्यासाठी आहे. होय, प्रतीक्षा संपलीय आणि सलमान खानचा पुढचा चित्रपट ‘भारत’ कधी रिलीज होणार, ते स्पष्ट झाले आहे. भाईजानने या चित्रपटाच्या रिलीजसाठीही नेहमीप्रमाणे ईदचे मुहूर्त निवडले आहे. २०१९ च्या ईदला सलमानचा ‘भारत’ हा सिनेमा रिलीज होईल. हा चित्रपट ‘Ode To My Father’ या कोरियन चित्रपटाचा रिमेक असल्याचे बोलले जात आहे.

पुढील वर्षी एप्रिलमध्ये ‘भारत’चे शूटींग सुरु होईल. या शूटींगची पूर्वतयारी सध्या सुरु आहे. अली अब्बास जफर या चित्रपटाचा दिग्दर्शक असेल. अभिनेता व निर्माता अतुल अग्निहोत्री (सलमानची बहीण अलविरा खान हिचा पती) दीर्घकाळापासून या चित्रपटाचे प्लानिंग करतोय. पण कुठल्या ना कुठल्या कारणाने हा चित्रपट रखडत चालला होता. सर्वप्रथम हा चित्रपट राजकुमार संतोषी यांनीच दिग्दर्शित करावा, असे अतुलला वाटत होते. संतोषी यांनी ‘घायल’,‘घातक’,‘दामिनी’,‘अजब प्रेम की गजब कहानी’ असे काही हिट सिनेमे दिले आहेत. त्यामुळे अतुल आणि सलमान दोघांनाही ‘भारत’साठी तेच हवे होते. पण संतोषींनी सलमानला बरीच प्रतीक्षा करवली. अखेर सलमाननेच आपली वाट बदलवून हा प्रोजेक्ट त्याचा आवडता दिग्दर्शक अली अब्बास जफरकडे सोपवला. तूर्तास सलमान आणि अली अब्बास जफर दोघेही ‘टायगर जिंदा है’मध्ये बिझी आहेत. सलमानचा सुपरडुपर हिट ‘सुल्तान’ हा चित्रपटही अली अब्बास जफरने दिग्दर्शित केला होता.

RELATED ARTICLES
- Advertisment -

Most Popular

Recent Comments