बुलडाणा: बुलडाण्यात मुख्यमंत्री देवेंद्र फडणवीस यांच्या सभेपूर्वी काँग्रेस, मनसे आणि भाजप दरम्यान झालेल्या वादाचं पर्यावसान प्रचंड घोषणाबाजीत झालं. यावेळी दोन्ही गटांकडून एकमेकांवर खुर्च्या फेकल्या. काँग्रेस आणि मनसे कार्यकर्त्यांनी मुख्यमंत्री देवेंद्र फडणवीस यांच्या विरोधात घोषणा देण्यात आल्या. त्यानंतर या लोकांनी मुख्यमंत्र्यांना काळे झेंडेही दाखवले. त्यामुळे परिसरात काही काळ तणाव पसरला होता.
मुख्यमंत्री देवेंद्र फडणवीस यांची आज नांदुरा येथे सभा होती. तसेच बळीराजा जलसंजीवनी योजनेचा शुभारंभ आणि राष्ट्रीय महामार्गाचेही मुख्यमंत्र्यांच्या हस्ते उद्घाटनही होणार होतं. या सभेपूर्वी काँग्रेस आणि मनसेच्या कार्यकर्त्यांनी मुख्यमंत्री सभेला येण्यापूर्वी जोरदार घोषणाबाजी केली. त्यामुळे त्याला भाजपच्या कार्यकर्त्यांनी विरोध केला. त्यामुळे दोन गट आमनेसामने आल्याने त्यांच्यात खुर्च्यांची फेकाफेक सुरू झाली. मात्र याच वेळी पोलिसांनी प्रसंगावधान राखत हस्तक्षेप केला आणि तणाव काहीसा निवळला. त्यानंतर मुख्यमंत्री सभास्थळी आल्यानंतरही आंदोलकांनी त्यांना काळे झेंडे दाखविले. काहीवेळापूर्वीच सभास्थळी मुख्यमंत्री देवेंद्र फडणवीस आणि केंद्रीय मंत्री नितीन गडकरी दाखल झाले असून सभा सुरू झाली.
मुख्यमंत्र्यांच्या सभेत गोंधळ, काळेझेंडे दाखविले!
RELATED ARTICLES