मुंबई : महाराष्ट्रात हाय व्होल्टेज ड्रामा सुरु आहे. महाविकास आघाडीचं सगळं ठरलेलं असतानाच शनिवारी महाराष्ट्रात राजकीय भूकंप झाला. देवेंद्र फडणवीस यांनी मुख्यमंत्री म्हणून आणि अजित पवार यांनी उपमुख्यमंत्री म्हणून शपथ घेतली. प्रकरण न्यायालयात गेले. परंतु आज सोमवारी 25 नोव्हेंबरला देवेंद्र फडणवीस यांनी मुख्यमंत्रीपदाचा पदभार स्वीकारला.
मुख्यमंत्रिपदाचा स्वीकारल्यानंतर देवेंद्र फडणवीस यांनी कामकाजाला सुरुवात केली. मुख्यमंत्री वैद्यकीय सहायता निधीच्या धनादेशावर स्वाक्षरी केली आहे.दादरच्या श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपूर्द करण्यात आला. यावेळी मुख्य सचिव अजॉय मेहताही उपस्थित होते.
मुख्यमंत्री @Dev_Fadnavis यांनी मंत्रालयातील कार्यालयात प्रवेश केल्यानंतर पहिली स्वाक्षरी मुख्यमंत्री वैद्यकीय सहायता निधीच्या धनादेशावर केली. दादर येथील श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपुर्द. pic.twitter.com/QgenSkP06a
— MAHARASHTRA DGIPR (@MahaDGIPR) November 25, 2019