मुंबई-भाजप अध्यक्ष अमित शहा यांच्याविरोधात मुंबई काँग्रेसने आझाद मैदानाजवळ निदर्शने केली आहेत. खासदार संजय निरुपम यांच्या नेतृत्वाखाली ही निर्दशने करण्यात आली.
कार्यकर्त्यांची घोषणाबाजी
यावेळी आक्रमक झालेल्या कार्यकर्त्यांनी अमित शहा यांचा पुतळा जाळण्याचा प्रयत्न केला. पोलिसांनी हा प्रयत्न हाणून पाडला. तर कार्यकर्त्यांनी बाप नंबरी बेटा १० नंबरी अशा घोषणा दिल्या. अटक करा, अटक करा, अमित शहाला अटक करा अशा घोषणाबाजीने परिसर दणाणून सोडला. मनी लॉन्ड्रिंगमुळे नितीन गडकरी यांना राष्ट्रीय अध्यक्षपदाचा राजीनामा द्यावा लागला होता. अमित शहा यांनी नैतिकता ओळखून राजीनामा द्यावा, अशी मागणी यावेळी करण्यात आली.
