वयाच्या 15 व्या वर्षी बरीच मुले कार्टून आणि व्हिडिओ गेम खेळण्यात मशगूल असतात. मात्र, दुबईचा हा टीनेजर आलीशान आयुष्याच्या बाबतीत भल्या-भल्यांना लाजवतो. याच्या मित्रांच्या यादीत पप्या किंवा पिंट्या नाहीत, तर सलमान खान आणि शाहरुख खान आहेत. राशेद बेलहासा असे या मुलाचे नाव असून तो दुबईतील नामवंत उद्योजक सैफ अहमद बेलहासा यांचा मुलगा आहे. केवळ शूजबद्दल बोलावयाचे झाल्यास त्याच्याकडे 6.5 कोटी रुपयांचे शूज कलेक्शन आहे. प्रायव्हेट फार्म हाऊस, जेट आणि आलीशान कारच्या ताफ्याचा तो मालक आहे. दुबईला जाणारी कुठलाही भारतीय सिलेब्रिटी त्याची भेट घेतल्याशिवाय परत येत नाही.

शक्ती कपूर यांनी विविध चित्रपटांमध्ये आजवर अनेक भूमिका साकारल्या आहेत. खलनायकी भूमिकांपासून ते अगदी विनोदी भूमिकांपर्यंत प्रत्येक व्यक्तीरेखा आपल्या अनोख्या अभिनय शैलीने प्रेक्षकांसमोर जीवंत करणारे शक्ती कपूर आता एका वेगळ्या भूमिकेत प्रेक्षकांच्या भेटीला येणार आहेत. त्यांची ही भूमिका जितकी वेगळी आहे तितकीच आव्हानात्मकही आहे. आगामी ‘रक्तधार’ या चित्रपटातून ते तृतीतपंथीयाची भूमिका साकारत असून, या भूमिकेद्वारे एका महत्त्वाच्या मुद्द्याकडेही त्यांनी लक्ष वेधलं आहे.

तृतीयपंथीयाची भूमिका रुपेरी पडद्यावर साकारण्याच्या अनुभवाविषयी सांगताना शक्ती यांनी एक इच्छाही व्यक्त केली. तृतीयपंथी समुदायाला एक दिवस समान वागणूक मिळेल असं त्यांचं म्हणणं आहे. समाजातील एक अविभाज्य घटक म्हणून तृतीयपंथीयांकडे पाहिलं जातं पण, बऱ्याच ठिकाणी त्यांना समान हक्कांपासून वंचित राहावं लागतं. त्यांना इतरांप्रमाणेच सर्व हक्क मिळावेत यासाठी बऱ्याच चित्रपटांच्या माध्यमातूनही या मुद्द्यांवर प्रकाश टाकण्यात आला आहे. ‘रक्तधार’सुद्धा त्याच यादीतील एक चित्रपट आहे असं म्हणायला हरकत नाही.

आपल्या या आगामी चित्रपटाविषयीची माहिती देत शक्ती कपूर म्हणाले, “बऱ्याच लहान गोष्टी मोठे आणि महत्त्वाचे बदल घडवून आणण्यास कारणीभूत ठरतात. ‘रक्तधार’ हे त्याचच उदाहरण आहे. हा बिग बजेट चित्रपट नसला तरीही त्याद्वारे जो संदेश प्रेक्षकांपर्यंत पोहोचवण्याचा प्रयत्न करण्यात आला आहे त्याचा प्रेक्षक मोठ्या मनाने स्वीकार करतील आणि तृतीयपंथीयांकडे पाहण्याच्या आपल्या दृष्टीकोनातही बदल करतील अशी मला आशा आहे.”

रीतेश देशमुखची निर्मिती, अमेय वाघची मुख्य भूमिका आणि चित्रपटाचं अनोखं प्रमोशन या सर्व कारणांमुळे ‘फास्टर फेणे’ हा चित्रपट सध्या चांगलाच चर्चेत आहे. आधी मराठी कलाकारांनी सोशल मीडियावर पोस्ट केलेले ‘फ’च्या बाराखडीचे व्हिडिओ आणि आता अमेयने फेसबुकवर पोस्ट केलेला एक फोटो नेटीझन्सचं लक्ष वेधत आहेत. हा फोटो पाहून रितेश अमेयवर का चिडला आहे असा प्रश्न तुम्हालाही पडेल.

अमेयने पोस्ट केलेल्या या फोटोमध्ये चित्रपटाचा निर्माता रितेश देशमुख दिसत आहे. अमेयच्या एका बाजूला मोबाईलमध्ये रितेशचा फोटो पाहायला मिळत आहे तर त्याच्या दुसऱ्या बाजूला स्वत: रितेश उभा आहे. रितेश अमेयकडे रागाने बघत आहे. मोबाईलमधील फोटो नीट पाहिल्यास तुम्हाला लक्षात येईल की त्यामधील रितेशचा लूक आणि अमेयचा लूक एकसारखाच आहे. दोघांची हेअरस्टाइलसुद्धा सारखीच आहे. रितेशचा हा लूक त्याने ‘फास्टर फेणे’साठी कॉपी केल्याचं दिसून येत आहे. आता रितेश त्याच्यावर नेमका कशामुळे रागवला आहे याचं कारण तो स्वत:च सांगू शकेल.