महत्वाचे..
१.गोव्यातील वास्को- द- गामा इथून पाटणा इथं जाणाऱ्या एक्स्प्रेसला पहाटे अपघात झाला. २.एक्स्प्रेसचे १३ डबे रुळावरून घसरले ३. चित्रकूटजवळ माणिकपूर स्टेशनच्या सिग्नलजवळ झाला अपघात
उत्तरप्रदेश : उत्तर प्रदेशमधील चित्रकूटजवळ गोव्यातील वास्को- द- गामा इथून पाटणा इथं जाणाऱ्या एक्स्प्रेसला पहाटे अपघात झाला. एक्स्प्रेसचे १३ डबे रुळावरून घसरले असून या अपघातात ३ प्रवाशांचा मृत्यू झाला आहे. तर १० प्रवासी जखमी झाले आहेत. जखमींवर स्थानिक रुग्णालयात उपचार सुरू आहेत.
पहाटे ४ वाजून २२ मिनिटांनी चित्रकूटजवळ माणिकपूर स्टेशनच्या सिग्नलजवळ हा अपघात झाला. अपघातात पटेल कुटुंबातल्या तिघांचा मृत्यू झालाय. ते बिहारला राहत होते. घसरलेले १३ डबे सोडून उरलेले ७ डबे घेऊन ट्रेन पुढे गेली. काहींना खाजगी वाहनांनीही सोडण्यात आलंय. अपघाताची चौकशी सुरू आहे.
