लिंबू पाण्याचे अनेक फायदे आहेत. कुणा-कुणाला लिंबू चालत नाही पंरतु बऱ्याच लोकांना लिंबू आवश्यक लागतो. जर दिवसाची सुरूवात लिंबू पाण्याने केली तर अतिशय फायदेशीर ठरेल. रोज लिंबूपाणी घेतल्याने फक्त वजन कमी होणार नाही तर तुम्ही आरोग्याच्या इतर समस्यांपासूनही दूर रहाल. लिंबूपाणी चे आरोग्यासाठी होणारे फायद्या बद्दल जाणून घेऊया…
वजन कमी करण्यासाठी फायद्याचे…
जर वजन कमी करायचे असेल तर त्यावर सोपा उपाय म्हणजे रोज सकाळी कोमट पाण्यातील लिंबू सरबत प्या. त्यासाठी १ ग्लास कोमट पाण्यात लिंबाचा रस घालून ते मिश्रण कमीत कमी दोन वेळा प्या. प्रत्येक एक तासाने एक ग्लास पाणी प्या. त्यामुळे भूक कमी लागेल आणि तुम्ही कमी खाल. त्याचबरोबर त्यामुळे शरीराचे संतुलन राखले जाते आणि पचनतंत्र सुधारते.
मधुमेहावर गुणकारी…
साखरयुक्त ज्युस व ड्रिंक्स घेण्याऐवजी लिंबूपाणी पिणे सर्वात उत्तम. लिंबूपाण्यामुळे मधुमेहींना फायदा होतो. कारण त्यामुळे रक्तातील साखरेचे प्रमाण नियंत्रित राहते. शरीर हायट्रेड राहते. व शरीराला ऊर्जा मिळते.
श्वासाची दुर्गंधी होईल दूर…
ब्रश केल्यानंतरही तोंडातून वास येतो का? तर मग रिकाम्या पोटी लिंबूपाणी प्या. त्यामुळे श्वासाची दुर्गंधी दूर होईल. कारण यात असलेल्या व्हिटॉमिन सी मुळे बॅक्टेरीया नष्ट होतात.
पोटाचे आरोग्य राखले जाईल…
रोज लिंबूपाणी प्यायल्याने पचनक्रिया सुधारते. पोटाच्या विकारांवरही हे लाभदायी आहे. पचनक्रिया सुधारण्याबरोबरच लिंबू पाण्यामुळे अॅसिडीटीही होत नाही. त्यामुळे पोट खराब असल्यास लिंबू पाणी पिणे फायदेशीर ठरेल.
किडनी स्टोन…
लिंबू पाणी घेतल्याने आरोग्यावर चांगला परिणाम होतो. किडनी स्टोनच्या समस्येमध्ये स्टोन युरिन ब्लॉक करतात त्यामुळे युरिन पास होताना खूप त्रास होतो. अशावेळी लिंबूपाणी घेतल्याने बॉडी हायड्रेट होण्यास मदत होते. परिणामी या समस्येची तीव्रता कमी होते.
