गांधीनगर : अमेरिकेचे राष्ट्राध्यक्ष डोनाल्ड ट्रम्प दोन दिवसीय भारत दौऱ्यावर आहेत. डोनाल्ड ट्रम्प यांच्यासोबत त्यांच्या पत्नी मेलानिया, मुलगी इवांका ट्रम्प आणि जावई जेरेड कुशनरसोबत भारत दौऱ्यावर आहेत. या दौऱ्यादरम्यान ट्रम्प यांनी अहमदाबादमधील साबरमती आश्रमला भेट दिली. या भेटीनंतर डोनाल्ड ट्रम्प यांनी आश्रमातील व्हिजीटर्स बूकमध्ये संदेश लिहिला. परंतु आश्रमाबद्दल कोणताही संदेश त्यांनी लिहिला नाही.
US President Donald Trump, First Lady Melania Trump, and PM Narendra Modi pay tribute to Mahatma Gandhi at Sabarmati Ashram pic.twitter.com/9aHryJscP2
— ANI (@ANI) February 24, 2020
टू माय ग्रेट फ्रेंड, साबरमती व्हिजीटर्स बूकमध्ये ट्रम्प यांचा संदेश…
ट्रम्प यांनी To My Great Friend Prime Minister Narendra Modi Thank You For This Wonderful Visit असा संदेश लिहिला आहे. “माझ्या महान मित्रा पंतप्रधान मोदी या सुंदर भेटीसाठी आभार,” असा याचा अर्थ आहे.
डोनाल्ड ट्रम्प हे सकाळी ११.४० ला अहमदाबादच्या सरदार वल्लभ भाई पटेल आंतरराष्ट्रीय विमानतळावर उतरले. विमानतळावर पंतप्रधान नरेंद्र मोदी यांनी ट्रम्प यांचं स्वागत केले. त्यानंतर भव्य रोड शो नंतर १२.३१ च्या सुमारास ट्रम्प साबरमती आश्रमात पोहोचले.
US President Donald Trump and First Lady Melania Trump write in the visitor’s book at Sabarmati Ashram pic.twitter.com/WtHCddENkA
— ANI (@ANI) February 24, 2020
आश्रमात चरखा चालवला…
या ठिकाणी त्यांनी राष्ट्रपिता महात्मा गांधी यांना आदरांजली वाहिली. यानंतर ट्रम्प आणि त्यांच्या पत्नी मेलेनिया यांनी चरखा चालवला.