मुंबई : दिल्लीत विधानसभेत वातावरण चांगलेच तापले आहेत. मुंबई (२६/११) हल्ला प्रकरणात अतिरेक्यांशी मुकाबला करणारे एनएसजी कमांडो आणि आपचे आमदार सुरेंदर सिंह दिल्ली विधानसभा निवडणुकीच्या रिंगणात उतरले आहेत. परंतु ते आम आदमी पार्टीकडून नव्हे तर राष्ट्रवादी काँग्रेस पार्टीकडून ही निवडणूक लढवणार आहेत.
Former Aam Aadmi Party leader and Former NSG Commando Surender Singh: I am fighting elections on NCP ticket. I got offer to fight elections from all parties but I chose NCP. I will reveal more information tomorrow. #DelhiElections2020 pic.twitter.com/2NU7HbzmOj
— ANI (@ANI) January 21, 2020
आज मी खूपच दुःखी…
आप चे आमदार सुरेंदर सिंह यांनी आपण राष्ट्रवादी काँग्रेसच्या तिकीटावर निवडणूक लढवत असल्याचे मंगळवारी जाहीर केले. आपल्याला अनेक पक्षांकडून यासाठी ऑफर होती मात्र मी राष्ट्रवादी काँग्रेसची निवड केली असे त्यांनी म्हटले आहे. दरम्यान, उद्या (बुधवारी २२ जानेवारी ) याबाबत माहिती देऊ. असेही त्यांनी पत्रकारांशी बोलताना सांगितले.
सुरेंदर सिंह यांना आपने पुन्हा तिकीट न दिल्याने नाराज झालेल्या सुरेंदर सिंह यांनी मंगळवारी ट्विटद्वारे आपण आपच्या सदस्यत्वाचा राजीनामा दिला असल्याचे जाहीर केले. आज मी खूपच दुःखी आहे. त्यामुळे पक्षाचा राजीनामा देत आहे असं सांगितलं.
कोण आहेत सुरेंदर सिंह…
मुंबई हल्ल्यावेळी दहशतवाद्यांशी दोन हात करणारे एनएसजी कमांडो सुरेंदर सिंह यांनी सन २०१३ मध्ये आपच्या तिकीटावर दिल्लीची विधानसभा निवडणूक लढवली होती. या निवडणुकीत त्यांनी कॅन्टोमेंट विधानसभा मतदारसंगातून भाजपाच्या तीन वेळा आमदार राहिलेल्या करन सिंह तन्वर यांचा पराभव केला होता.