ठाणे : शिवसेनाप्रमुख दिवंगत बाळासाहेब ठाकरे यांचा तीन हात नाका, ठाणे येथे स्मारक उभारण्यात आला आहे. या स्मारकारचे लोकार्पण मुख्यमंत्री उद्धव बाळासाहेब ठाकरे यांच्या हस्ते आज गुरुवार (६ फेब्रवारी) करण्यात आले. यावेळी खासदार राजन विचारे, ना. एकनाथ शिंदे यांच्यासह इतर पदाधिकारी कार्यकर्ते उपस्थित होते.
हिंदुहृदयसम्राट शिवसेनाप्रमुख वंदनीय बाळासाहेब ठाकरे यांच्या तीन हात नाका, ठाणे येथे उभारण्यात आलेल्या भव्यदिव्य स्मारकाचे मुख्यमंत्री उद्धव बाळासाहेब ठाकरे यांच्या हस्ते लोकार्पण झाले. pic.twitter.com/dai5FaD9GW
— Office of Uddhav Thackeray (@OfficeofUT) February 6, 2020
शिवसेनाप्रमुख बाळासाहेब ठाकरे यांचा संपूर्ण इतिहास व जीवनप्रवासाची सर्वसमावेशक माहिती तरुण पिढीला कायमस्वरूपी उपलब्ध व्हावी, यासाठी त्यांनी रेखाटलेली व्यंगचित्रे, त्यांचा जीवनप्रवास, वैयक्तिक व प्रासंगिक फोटो, गाजलेली भाषणे, पुस्तके व भाषणाच्या सीडी यांचा संग्रह येथे उपलब्ध असणार आहे.