श्रीनगर : जम्मू-काश्मीरमध्ये तुफान बर्फवृष्टीमुळं एक गर्भवती महिलेसाठी जवान देवदूत म्हणून धावून आले. बर्फवृष्टी सुरू असताना, एक गर्भवती महिला रुग्णालयात जात होती. त्याचवेळी लष्कराचे जवळपास १०० जवान तिच्यासोबत होते. तब्बल चार तास गर्भवती महिलेला उचलून पायी चालले. त्यानंतर रुग्णालयात दाखल केले. शेवटी महिलेची सुखरूप प्रसूती झाली. त्यामुळे पंतप्रधान नरेंद्र मोदींनी जवानांचे कौतुक केले आहे.
जम्मू-काश्मीरमध्ये गेल्या काही दिवसांपासून तुफान बर्फवृष्टी होत आहे. हिमवादळामुळं काश्मीरमधील अनेक ठिकाणी हिमस्खलनाच्या घटना घडल्या आहेत. या घटनांमध्ये अनेकांचा मृत्यू झाला आहे. बर्फवृष्टी आणि हिमस्खलनाच्या घटनांमुळं जनजीवन विस्कळीत झालं आहे. अनेक जण अद्याप बेपत्ता आहेत. त्यांचा शोध घेण्यात येत आहे. लष्कराच्या जवानांकडून काही ठिकाणी बचावकार्य सुरू आहे. लष्कराचे १०० जवान एका गर्भवती महिलेच्या मदतीसाठी धावल्याची माहिती चिनार कॉर्प्सकडून देण्यात आली. त्याचा व्हिडिओही ट्विट करण्यात आला.
Our Army is known for its valour and professionalism. It is also respected for its humanitarian spirit. Whenever people have needed help, our Army has risen to the occasion and done everything possible!
Proud of our Army.
I pray for the good health of Shamima and her child. https://t.co/Lvetnbe7fQ
— Narendra Modi (@narendramodi) January 15, 2020
जवान गर्भवती महिलेसाठी देवदूत ठरले…
बर्फवृष्टी सुरू असताना शमीमा या महिलेला रुग्णालयात घेऊन जायचं होतं. तिला मदतीची गरज होती. त्याचवेळी १०० जवान तिच्या मदतीला धावून गेले. बर्फवृष्टीत जवान तिच्यासोबत चार तास चालले. अन्य ३० नागरिकही तिच्यासोबत होते. शमीमाला स्ट्रेचरवरून नेण्यात येत होतं. हे जवान गर्भवती महिलेसाठी देवदूत ठरले. तिनं मुलाला जन्म दिला असून, दोघांची प्रकृती उत्तम आहे.