मुंबई– सनी लिओनीने बॉलिवूडमध्ये पदार्पण केल्यापासून अनेकांना तिने तिच्या अदांनी घायाळ केलंय. सनी लिओनीने हिंदी चित्रपटांत काम केलंच आहे, याशिवाय तमिळ, मराठी, कन्नड चित्रपटांमध्येही पाहुण्या कलाकाराच्या भूमिकेत दिसली आहे. शिवाय तिची काही आयटम सॉंग गाजली आहेत. सनी लिओनीबद्दल अनेक गोष्टी अशा आहेत ज्या तुम्हाला माहिती नाहीये. त्या गोष्टी कोणत्या आहेत ते पाहूयात.

सनीचं पदार्पण खरंतर २००५ साली आलेल्या कलियुग चित्रपटातून होणार होतं. मात्र तिने या चित्रपटासाठी १० लाख रूपये मागितले होते, ज्यामुळे चित्रपट दिग्दर्शकाने तिला नकार दिला होता.

सनी प्रचंड वाचनप्रेमी आहे, तिला पार्टी करण्यापेक्षा पुस्तकं वाचणं आवडतं.

सनीला वाचनासोबतच खाण्याची देखील प्रचंड आवड.

डेनियल वेबर सोबत लग्न होण्याआधी तिचा मॅट एरिक्सन याच्याशी साखरपुडा झाला होता.

जगप्रसिध्द हास्यकलाकार रसेल पिटर सोबतही तिचे प्रेमसंबध होते.

बेबी डॉल ही खूप घाबरट असून तिला किडे, मुंग्यांची खूप भिती वाटते.

बॉलिवूडमध्ये येण्याआधी ती एका जर्मन बेकरीत काम करत होती.

तिच्या कोणत्याही चित्रपटाचे स्क्रिप्ट हे पहिले तिचा नवरा डेनियल वेबरने वाचतो, त्याने होकार दिल्यानंतरच सनी चित्रपट स्वीकारते.

मुंबई – बायोपिक म्हणजेच चरित्रपटांचा ट्रेंड सध्या बॉलिवूडमध्ये चांगलाच चर्चेत आहे. विविध खेळाडूंपासून ते उल्लेखनीय व्यक्तींपर्यंत अनेकांचेच बायोपिक साकारण्यात आले आहेत. सचिन तेंडुलकरपासून ते अगदी सायना नेहवाल यांच्या आयुष्यावर चित्रपट साकारण्यासाठी बऱ्याच जणांनी पुढाकार घेतला. विशेष म्हणजे यातले बहुतेक बायोपिक हे प्रेक्षकांच्या पसंतीला उतरले.

आता अजून एक व्यक्तिमत्त्व प्रेक्षकांच्या भेटीला येणार आहे. प्रसिद्ध असलेले जेष्ठ वकील राम जेठमलानी यांच्या जीवनावर आधारित चित्रपटाची निर्मिती होणार आहे. ‘नो वन किल्ड जेसिका’ चित्रपटाचे दिग्दर्शक राजकुमार गुप्ता जेठमलानी यांच्यावर आधारित चित्रपटाचं दिग्दर्शन करणार असल्याचं म्हटलं जात आहे.

बिग बी अमिताभ बच्चन जेठमलानी यांची भूमिका साकारणार असल्याचं वृत्त ‘स्पॉटबॉय ई’ या वेबसाइटने दिलं आहे. सुझेन अॅडेलमन यांनी जेठमलानी यांच्यावर लिहिलेल्या ‘द रिबेल’ या पुस्तकावर आधारित या चित्रपटाची निर्मिती रॉनी स्क्रूवाला करणार आहेत.एकीकडे बिग बींना जेठमलानी यांच्या भूमिकेसाठी विचारण्यात आलं असून तरुणपणीचे जेठमलानी कोण साकारणार याबाबत अजूनही प्रश्नचिन्ह आहे.

मुंबई – मराठीतील सुंदर अभिनेत्री म्हणुन श्रुती मराठेची ओळख आहे. निराग चेहरा आणि उत्तम अभिनयाच्या जोरावर श्रुतीने मराठी इंडस्ट्रीमध्ये तिची वेगळी ओळख निर्माण केली आहे. राधा ही बावरी या मालिकेतून अभिनेत्री श्रुती मराठी घरात पोहोचली. नेहमी साडी अथवा ड्रेसमध्ये वावरणारी श्रुतीने अनेक मराठी आणि मालिकांमध्येही काम केले आहे.

जेव्हा बोल्ड बनली साधीभोळी श्रुती…
२००८  साली आलेला चित्रपट Naan Avanillai 2 या तामिळ सिनेमात श्रुती सर्वप्रथम झळकली. या चित्रपटात तिने जीवन या तामिळ अभिनेत्यासोबत अभिनय केला होता. पण श्रुतीच्या अभिनयापेक्षा तिच्या बोल्डनेसचीच जास्त चर्चा झाली. साध्यासुंदर श्रुतीचा हा लुक पाहून तिच्या चाहत्यांना धक्काच बसला होता. श्रुतीने Aadu Aata AaduKannada, Vidiyal,Aravaan या तामिळ चित्रपटात काम केले आहे.

बोल्डनेसवर श्रुतीने केले होते असे वक्तव्य…
साऊथ चित्रपटात इतके बोल्ड सीन दिल्याबद्दल श्रुतीला जेव्हा प्रश्न विचारण्यात आला तेव्हा तिने सांगितले की, “मी नुकतीच कॉलेजमधून पास झाले होते आणि या चित्रपटाची ऑफर आली. लहान असल्यामुळे मला त्यावेळी बोल्डनेसची सीमा काय ठेवावी ते कळाले नाही. पण आता त्या गोष्टीचा पश्चात्ताप होतो असेही नाही. असा रोल करण्याचे मुळ कारण हे होते की साऊथ इंडस्ट्रीत मला कोणी ओळखत नाही. आईवडील-नातेवाईक तिथे नसल्याने मी असे सीन केले. मराठी इंडस्ट्रीबद्दल बोलायचे झाले तर मला येथेही बोल्ड सिनेमे करण्यास हरकत नाही.”