नागपूर – मूकबधिर तरुणीच्या असहाय्यतेचा गैरफायदा उठवत एका अज्ञात आरोपीने सतत तिच्यावर बलात्कार केला. त्यानंतर ती गर्भवती झाली. हा प्रकार उघडकीस आल्यानंतर या तरुणीने बदनामी टाळण्यासाठी स्वत:ला जाळून घेत आत्महत्येचा प्रयत्न केला. त्यामुळे तिला मेयो रुग्णालयात दाखल करण्यात आले असता आठ महिन्यातच तिची प्रसूती झाली आणि तिने एका मुलाला जन्म दिला.
पीडित ३४ वर्षीय मुलगी जन्मापासून मूकबधिर आहे. आई, भाऊ आणि मावस भावासह ती नारी परिसरात राहते. तिची आई व भाऊ मजुरी करतात. आई व भावंडं कामावर निघून गेल्यानंतर ती घरी एकटीच असायची. तिच्या असाह्य़तेचा गैरफायदा घेऊन आरोपीने तिच्यावर बलात्कार केला. काही दिवसांपूर्वी तिचे वाढलेले पोट पाहून आईने तिला विचारणा केली असता तिने सर्व प्रकार सांगितला. त्यानंतर तिची वैद्यकीय तपासणी केली असता ती गर्भवती असल्याचे निष्पन्न झाले. त्यामुळे तिच्या आईने बलात्कार करणाऱ्यासंदर्भात विचारणा केली. मात्र, मुलीला सांगता येत नव्हते. शिवाय ती बदनामीला घाबरत होती. तिने तीन ते चार वेळा आत्महत्येचा प्रयत्न केला, परंतु तिच्या आईने तिला वाचवले. अखेर ३० सप्टेंबरला सर्वासमक्ष तिने स्वत:च्या अंगावर केरोसीन ओतले व जाळून घेतले. त्यानंतर तिच्या आई व भावंडांनी तिला वाचविण्याचा प्रयत्न केला. तिची पूर्ण साडी जळाली होती. आग विझवल्यानंतर तिला मेयो रुग्णालयात दाखल करण्यात आले. तिच्यावर तेथे उपचार सुरू असताना आठ महिन्यातच तिची प्रसूती झाली व तिने मुलाला जन्म दिला.
तर दुसरीकडे पोलिसांनी एका मूकबधिर विद्यालयाच्या शिक्षिकेमार्फत मुलीशी संवाद साधला व आरोपीविरुद्ध माहिती विचारली. त्यावेळी तिच्या शाळेत १२ वी पर्यंत शिकत असलेल्या एका तरुणाने हे केल्याचे समजले. त्याला पोलिसांनी शोधले असून हर्षवर्धन असे त्याचे नाव आहे. त्याला पोलिसांनी ताब्यात घेतले आहे. मात्र, डीएनए चाचणीनंतरच आरोपीने बलात्कार केला का? हे स्पष्ट होईल, असे वरिष्ठ पोलीस निरीक्षक उत्तम मुळक यांनी सांगितले.
शनिवारी ‘द वायर’ने प्रसिद्ध केलेल्या वृत्तामध्ये दावा केला होता की भारतीय जनता पक्षाचे अध्यक्ष अमित शहा यांचे पुत्र जय शहा यांच्या संपत्तीमध्ये कैक पटीने वाढ झाली आहे. या वृत्तामुळे वाद झाला आणि जय शहा यांनी ‘द वायर’चे संपादक सिद्धार्थ वरदराजन आणि पत्रकार रोहिणी सिंग यांच्यावर 100 कोटी रुपयांचा अब्रूनुकसानीचा दावा ठोकला आहे. आम्ही या खटल्याविरोधात न्यायालयीन लढा देऊ, असं वरदराजन यांनी म्हटलं आहे.
मुंबई : भानुरेखा गणेशन अर्थात बॉलिवूडची चिरतरुण अभिनेत्री रेखाने आज वयाच्या 63 व्या वर्षात पदार्पण केलं आहे. बॉलिवूड कारकीर्दीत वैयक्तिक आयुष्यामुळे सर्वात जास्त चर्चेत राहिलेल्या अभिनेत्रींमध्ये रेखाचं नाव येतं.
