मंगळवारी केंद्रीय मंत्री किरेन रिजिजू यांनी ‘२००२ गोध्रा’ दंगलीवर आधारित बीबीसीच्या माहितीपटावर आपले मत व्यक्त केले. या माहितीपटात पंतप्रधान नरेंद्र मोदींवर हिंसाचार भडकवल्याचा आरोप केला आहे.
किरेन रिजिजू ट्विटरवर मत व्यक्त करत म्हणाले, “काही लोकांसाठी गोरे राज्यकर्ते अजूनही मालक आहेत ज्यांचा भारतावरील निर्णय अंतिम असतो पण भारताच्या सर्वोच्च न्यायालयाचा निर्णय ते मानत नाहीत किंवा भारतातील लोकांच्या इच्छेचा नाही.”
याआधी डॉक्युमेंटरी सर्व सोशल मीडिया प्लॅटफॉर्मवर उपलब्ध करून देण्यात आली होती परंतु सरकारने डॉक्युमेंटरीमध्ये दाखविलेले सर्व दावे फेटाळल्यानंतर ते काढून टाकण्यात आले.
डॉक्युमेंटरीवर बंदी घालण्याबाबत ‘मुंबई माणूस‘ने काही विरोधी पक्षातील नेत्यांशी संवाद साधला.
काँग्रेस नेते रत्नाकर महाजन म्हणाले, “भारतातील जनतेला गोध्रा दंगलीत घडलेल्या सर्व गोष्टींची आधीच कल्पना आहे. बीबीसीने ही माहितीपट सत्य आणि पुराव्याच्या आधारे बनवली आहे, जो इंटरनेटवर मोठ्या प्रमाणात उपलब्ध आहे. या मोदी सरकारला सत्याची भीती वाटते आणि ते त्याबद्दल दोषी आहेत. त्यांना आंतरराष्ट्रीय पातळीवर त्यांची विश्वासार्हता गमावण्याची भीती वाटते.”
सीपीआय(एम) नेत्या वृंदा करात म्हणाल्या, “ही मोदींची शैली लोकशाहीच्या आणि सेन्सॉरशिप मूलभूत तत्त्वांच्या विरोधात आहे. हे सरकार पंतप्रधान मोदींविरोधात उच्चारलेल्या कोणत्याही शब्दाबद्दल अत्यंत संवेदनशील आहे, जर कोणी पंतप्रधानांवर टीका केली तर त्यांना कोणत्या ना कोणत्या मार्गाने शांत केले जाते.”
काँग्रेस नेते हुसेन दलवाई यांनी आपल्याच पक्षाला टोला लगावताना म्हटले की, “भाजपच्या अशा वागण्यावर काँग्रेस आणि इतर पक्ष नेहमीच मौन बाळगून होते, सुरुवातीपासूनच विरोध केला असता तर त्यांची फॅसिस्ट विचारधारा टिकली नसती.”
Web Title: BBC Documentary Prakaran: Bandivirodhat virodhakanni Modi sarkaarla fatkaarle
