बॉलिवूड मेगास्टार अमिताभ बच्चन यांचा मंगळवारी ११ ऑक्टोबरला ७५ वा वाढदिवस आहे. आपल्या आवडत्या अभिनेत्यासाठी त्यांचे चाहते काही ना काही वेगळं करण्याचा नक्कीच विचार करत असतील. मात्र, यंदा त्यांच्या चाहत्यांची निराशा होणार आहे. कारण, बिग बी त्यांचा ७५ वा वाढदिवस आणि दिवाळी यावेळी साजरी करणार नाहीत.
अमिताभ यांनी स्वतः ते वाढदिवस आणि दिवाळी साजरी करणार नसल्याचे सांगितले. पण यामागे नेमके काय कारण आहे, याचा उलगडा त्यांनी केलेला नाही.
त्यांची सून आणि अभिनेत्री ऐश्वर्या राय बच्चन हिचे वडील कृष्णराज राय यांचे मार्च महिन्यात प्रदीर्घ आजाराने निधन झाले. कदाचित यामुळेच बिग बींनी कोणताही आनंद साजरा न करण्याचे ठरवल्याचे दिसते. अमिताभ बच्चन यांनी नुकेतच ट्विट करत त्यांनी ७५ वा वाढदिवस साजरा करणार नसल्याचे सांगितले. ‘होय, यंदा माझा ७५ वा वाढदिवस आहे. पण वाढदिवस आणि दिवाळीचे कोणत्याही प्रकारे सेलिब्रेशन करणार नाही’, असे म्हणत त्यांनी पुढे ‘अरे छोड़ दो यार ! बस सांस लेने दो !’ असेही लिहिलंय.
