चित्रपटसृष्टीत पदार्पण केल्यानंतर फार कमी वेळात आपली वेगळी ओळख निर्माण करण्यात अभिनेत्री अनुष्का शर्मा यशस्वी ठरली. अभिनयानंतर तिने चित्रपट निर्मितीतंही आपलं नशीब आजमावलं. नवनवीन गोष्टी करण्याची आवड आणि उत्साह असणाऱ्या अनुष्काने नुकतंच आणखी एका क्षेत्रात पदार्पण केलं आहे. अभिनेत्री सोनम कपूर आणि तिची बहीण रिया कपूर यांनी मिळून एक फॅशन ब्रँड लाँच केला होता. त्यामुळे अनुष्कासुद्धा आता सोनमच्याच पावलांवर पाऊल टाकत अनुष्काने स्वत:चं ‘नुष’ हे क्लोथिंग ब्रँड आणलंय. मंगळवारी या ब्रँडचा उद्घाटन सोहळा पार पडला. यापूर्वी
‘हा दिवस माझ्यासाठी खूप महत्त्वाचा आहे. गेल्या दीड वर्षांपासून मी या ब्रँडसाठी काम करत आहे. एखादा नवीन प्रकल्प सुरू करताना मनात एक दडपण असतंच की, ते यशस्वी होईल की नाही. माझ्याही मनात थोडीफार भीती आहे. पण ही कल्पना मी सत्यात उतरवली याचा मला आनंदसुद्धा आहे,’ अशी प्रतिक्रिया तिने दिली.
