नवी दिल्ली : विवाह बंधनात अडकणाऱ्या टीम इंडियाच्या खेळाडूंची यादी वाढत आहे. युवराज सिंह, हरभजन सिंह, सुरेश रैना आणि रोहित शर्माचा यात समावेश आहे. मात्र कर्णधार विराट कोहलीसह असे काही खेळाडू आहेत, जे अजून बॅचलर्स आहेत. या बॅचलर्स खेळाडूंपैकीच एक असलेला भुवनेश्वर कुमार आता चर्चेत आला आहे.
टीम इंडियाचा वेगवान गोलंदाज भुवनेश्वर कुमारने नुकतंच त्याच्या गर्लफ्रेंडचं नाव जाहीरपणे सांगितलं आहे. भुवीने सोशल मीडियावर एक फोटो शेअर केला आहे, ज्यामध्ये तो त्याच्या गर्लफ्रेंडसोबत दिसत आहे. भुवीने हा फोटो इंस्टाग्रामवर अपलोड करताच चाहत्यांनी त्याला शुभेच्छा द्यायला सुरुवात केली.
