अहमदाबाद : अमेरिकेचे राष्ट्राध्यक्ष डोनाल्ड ट्रम्प हे २४ फ्रेब्रुवारी गुजरात दौऱ्यावर येणार आहेत. त्यांच्या मार्गात त्यांना झोपड्या दिसू नयेत म्हणून एक खास भिंत उभारण्यात येते आहे. अहमदाबाद महापालिकेने हा निर्णय घेतला आहे.
सरदार वल्लभभाई पटेल विमानतळ आणि इंदिरा ब्रिज या भागात काही झोपड्या आहेत. त्या ट्रम्प यांना दिसू नयेत म्हणून ही भिंत उभारण्यात येते आहे. डोनाल्ड ट्रम्प आणि पंतप्रधान नरेंद्र मोदी यांचा एक रोड शो होण्याची शक्यता आहे. त्यामुळेच या मार्गातल्या झोपड्या लपवण्यासाठी भिंत बांधली जाते आहे.
Ahmedabad Municipal Corp is building a wall in front of slum along the road connecting Sardar Vallabhbhai Patel Intl Airport to Indira Bridge. The US Pres is scheduled to visit Ahmedabad during his 2-day India visit. Bijal Patel,Mayor says,”I haven’t seen it,don’t know about it”. pic.twitter.com/moKjCy0M44
— ANI (@ANI) February 13, 2020
महापालिकेने दिलेल्या कामानुसार तूर्तास अर्धा किलोमीटरची भिंत उभारली जाते आहे. या भिंतीची उंची सहा ते सात फूट असणार आहे. दरम्यान या सगळ्या प्रकाराबाबत अहमदाबाद महापालिकेच्या महापौर बिजल पटेल यांनी कोणत्याही बांधकामाची माहिती नाही, मी असं काहीही बांधकाम पाहिलेलं नाही” असं म्हणत नकार दिला.
